中國人要管！未成年更加唔可以打機，只能星期五、六、日及法定假期夜晚8點玩到9點玩「一個鐘」咁大把！剛過去第一個週未首次執行週未解放令，一開波準時全國大量青少年湧入《王者榮耀》遊戲當中！結果實在太爆《王者榮耀》伺服器出現大崩潰，全民攬炒無得玩！青少年受壓抑一個星期就搞到咁，到18歲成年禮仲唔打足七日七夜，未來放假8點到9點呢一小時相信都會相當精彩！！

每星期週五、週六、週日，以及法定假期晚上八點到九點你做緊咩？全國青少年就已經約定排隊上網打遊戲，平時唔畀打機，而家夠鐘打機仲唔玩餐飽！？呢一個鐘分分鐘成為中國青年人生最期盼「黃金一小時」！對於伺服器大崩潰，遊戲《王者榮耀》發出道歉聲明，並指出會針對全伺服器的遊戲玩家提供補償。相信遊戲商完全無料到青年人壓抑唔準打機後，反彈會如此之大。中國政府針對青少年過份打機防止未成年人沉迷網絡遊戲，未來好可能剛剛成年青年加強反彈瘋狂打機，「瘋狂打機」可能係中國式成人禮！

下星期話咁快又至，唔知《王者榮耀》伺服器頂唔頂得住？