近期唔少手機品牌都相繼推出全新旗艦機，而Xiaomi亦都唔執輸，推出全新旗艦機Xiaomi 11T Pro。咁究竟呢部全新嘅11T Pro Xiaomi機王好定唔好，咁就梗係要即刻上手試下啦。

Xiaomi官方今次繼續主力推介11T Pro配備專業級鏡頭，其標準廣角鏡達到1億800萬像素，同時有２倍遠攝微距鏡頭以及120° 超廣角鏡頭嘅三攝鏡頭，唔使點較野你都可以輕鬆幫女友影靚相呃like啦！(如果你有女友的話....)

Xiaomi 11T Pro另一賣點，就係應用杜比全景聲 (Dolby Atmos®) 技術以及配備 SOUND BY Harman Kardon 嘅專用雙揚聲器，令音頻進一步清晰，同時配合其10億色螢幕支援Dolby Vision，令鍾意睇片聽歌嘅我都好滿意，當然如果你同另一半睇片聽歌嘅話就雙倍開心啦！

而11T Pro今次更加係首款採用其獨家研發嘅 120W Xiaomi HyperCharge 技術嘅智能手機，令手機可以喺短短17分鐘就完成100%充電，一試之下今舖確實係說到做到。聽聞呢個技術係通過德國萊茵TÜV安全快充系統認證、34項充電及電池安全功能、實時溫度監測等措施，令電池安全獲更大保障。

11T Pro顏色就有流星灰、月光白及太空藍三種選擇，12GB+256GB唯一配置都只係賣$4399，性價比黎講就真係無得輸。當然用唔用得慣就因人而異，不過有得揀就點都好過無得揀，係咪先?