先講講我其實唔知道原來天婦羅炸蝦係可以食埋條尾！話說早前日本執政自民黨舉行總裁（即黨鹿主席）選舉，當日有網上問答環節，讓民眾自由提問，其中一位抽中提間的係一位小學四年級學生，佢的問題認真但出人意表，佢問：「吃炸蝦的時候，尾巴到底該不該吃？」勝出的岸田文雄當時嚴肅地回答：「吃不吃蝦子的尾巴是自己決定的事，不過我個人是會吃的。」然後炸蝦話題就發覺成為一個網絡話題， 根據朝日電視台嘅民調顯示原來有67.1％受訪日本人會吃埋條尾？而我不完全觀察一般香港人都唔會食炸蝦尾？唔信你問下自己問下朋友你食唔食炸蝦尾？

原來炸蝦尾裡面含有豐富膳食纖維同鈣質，係有營養嘅食物。 根據日本朝日電視台晨早節目「羽鳥慎一モーニングショー」就上街詢問日本一般路人的睇法，估唔到有67.1％的人會食埋炸蝦尾巴，只有32.9%人唔食！當然每個國家文化都唔一樣，正如香港人食煎魚都可能會食埋條尾。不過其實好多人去日本料理或壽司舖食炸蝦時，都唔會食埋炸蝦條尾！唔知大家身邊又有幾多人會堅持吃埋炸蝦尾呢？地域同社會文化可能係差距之源，係訪問當中其中靜岡縣同滋賀縣的受訪者係100%支持吃埋炸蝦尾巴！

正如日本首相岸田文雄所言，「吃不吃蝦子的尾巴是自己決定的事，不過我個人是會吃的。」其實食同唔食絕對沒有對錯之分。不過對於好似我一樣從來冇諗過要食埋炸蝦尾嘅人來嚟講，原來炸蝦條尾係可以食埋對我嚟講係一種飲食上嘅新衝擊。日本電視節目禮儀講師話：「沒有什麼禮儀規定吃蝦子該不該剩下尾巴。但是如果不吃尾巴的話，可以將尾巴擺到盤子的邊緣，才不會有凌亂的感覺。」大家以後食炸蝦要好好思考睇下試唔試下食埋條尾啦！老老實實睇完單野我好想衝去食炸蝦！