Netflix超人氣劇集《魷魚遊戲》雖然已經大結局左一段時間，但其熱潮卻遲遲未散，甚至繼續發酵令更多未睇嘅人心郁郁想入坑。而劇集入面嘅七大遊戲，近日就有媒體對其進行左恐佈排名，睇下你又係咪咁覺得?

***以下含劇透***

《魷魚遊戲》七大遊戲恐佈排名

1. 玻璃橋

2. 拔河

3. 魷魚遊戲

4. 123 木頭人

5. 椪糖

6. 彈珠

7. 打畫片

無錯，連進入正規遊戲前由孔劉同參加者玩嘅打畫片都入選，但只排名第七位，因為呢個Game輸都只係被打一巴，仲要贏就即刻有錢拎，咁就梗係唔恐佈啦。不過天仙局就係咁啦，比啲貼頭你，你就中個頭落去。

而之後嘅彈珠同椪糖，當然輸都係要死，但玩嘅過程一啲都唔驚險恐佈，所以排名呢個位置亦屬正常。

排名第4位嘅就係第一個正規遊戲123木頭人，被木頭人捉到移動嘅就即時被槍殺，玩嘅環境唔算非常恐佈，只係要克服旁邊人不斷被射殺嘅恐懼。

第3位魷魚遊戲，其實本身個遊戲唔算驚險，不過雙方都持刀，再加上毫無規則可言，只有一方死亡先叫完結，所以排名呢個位置亦合理的。

最後排名第一及第二位嘅玻璃橋及拔河，就絕對係全劇入面最恐佈嘅遊戲，要跳過高度10幾20層樓高嘅玻璃橋，仲要唔知自己踩個塊玻璃究竟係咪強化玻璃，真係每一步都驚心動魄。而拔河則因為直接面對對手，自己要生存亦代表要將對手拉落高台跌死，相反如果輸就自己隊即時跌死，真係要拼盡先有機會生存下去。

唔知你又同唔同意呢個排名呢?

圖片來源: Netflix