喺眾多區塊鏈應用之中，被藝術家、明星、創作者大量應用嘅NFT (Non-fungible token，非同質化代幣)，大概就係當中最「易入口」嘅選擇。而張敬軒亦即將推出個人NFT，其中更有結合12月舉行嘅紅館演唱會體驗嘅慈善NFT拍賣。

極簡單而言，所謂的NFT就即係透過區塊鏈技術，獲得某樣物品的擁有權，而張敬軒即將推出嘅三款NFT，都係基於近來大熱嘅Solana (SOL) 區塊鏈。而實際嘅「物品」就有三樣，首先係世上只有一件嘅「入行二十年絕密感言」，特別之處在於個感言係張敬軒爬上利園支離地二百幾米嘅避雷針、喺不足半平方米嘅平台上拍攝。另外此NFT亦會「附贈」12月演唱會尾場 (1月3日)頭排座位門票兩張，以及能夠入場觀看採排，並以耳機零距離聽到張敬軒現場演唱。

此NFT將會由10月19日中午至25日中午，於FWENCLUB作慈善拍賣，起標價為HK$10萬，而最後所得善款就會分別捐予「母親的抉擇」、「大樹下善待動物庇護站」及「愛培自閉症基金」三個本地慈善機構。

此外，張敬軒亦將推出另外兩款NFT，其中有四件嘅「無聲拍賣」就包括張敬軒上到避雷針頂時拍攝嘅靚相，以及大除夕夜演唱會嘅頭排座位門票兩張，同樣係由19日中午於FWENCLUB接受出價，起標價HK$1萬。價錢比較親民嘅，就有限量1000套、每套$599、每套有三張嘅NFT收藏卡，全部都係張敬軒爬塔時嘅花絮，總共有4條片加20張相，即係好彩嘅話你買八包就可以儲齊全套。收藏於於22日中午12點於FWENCLUB出售。