人類登陸火星甚至殖民火星係下一代偉大目標之一， 美國太空總署認為要真正登上火星單純技術並不可行，需要多多練習於是喺以色列南部沙漠不毛之地建立 AMADEE-20 實驗居住區，認真地派出5 男 1 女共 6 位科學家測試居住係火星一個月的情況。

In the Ramon Crater in the desert of southern Israel, a team of six - five men and one woman - have begun simulating what it will be like to live for about a month on Mars. More photos: https://t.co/sATLGEHIBt ???? Amir Cohen pic.twitter.com/aeyLGMIsc9

— Reuters Pictures (@reuterspictures) October 12, 2021

今次試住火星計畫由奧地利太空論壇（Austrian Space Forum）、以色列太空局（Israel Space Agency）及當地組織「沙漠火星模擬拉蒙站」（Desert Mars Analog Ramon Station，D-MARS）共同主導，原本 2020 年就開始，不過可惜因為全球肺炎疫情拖累，延遲到今時今日先開始。計劃開展地點係以色列拉蒙坑，此地並非隕石坑，亦非火山口，而係一種石灰岩地形受侵蝕而成的盲谷地形，長 40 公里、寬 2 至 10 公里、深 500 公尺，屬於以色列拉蒙自然保護區，乾旱不毛的紅色沙土碎石崎嶇谷地，外貌似火星地表，所以成為人類實驗火星生活的最佳場所。

是次計劃派出5 男 1 女共 6 位科學家，係拉蒙坑設立 AMADEE-20 實驗居住區，實驗人員要喺當中生活並模擬一切喺火星會做會出現嘅情況，進行各種實驗以及生活體驗。今次模擬火星試當真認真做，6位科學家外出全部要著太空衣，用內建供氧系統呼吸。團隊希望能夠盡量嘗試喺火星出現嘅各種生活困難與失敗，盡可能利用地球經歷失敗嘅風險及成本。模擬經驗可以避免未來喺火星生活犯上大錯，儘管實際火星與地球環境大不同！

團隊居所面積 120 平方公尺，係目前地球最複雜、最現代化的太空模擬實驗室，6 人隨時都生活於攝影機鏡頭下，隨時受監測生理跡象、追蹤活動，以利分析人類活動因素，以改善設計；居所外要測試無 GPS 下，以無人機和越野車定位與自動導航。研究團隊將進行 20 次實地實驗，包括地質、生物、醫療等，希望計畫結束時能取得足夠參考的資料。今次任務絕對唔輕鬆，6 人係狹窄空間要做好多實驗測試，出外則要背負 50 公斤重的太空裝。 不過相比起隨時要付出生命嘅火星登陸，喺地球做實驗無論點樣辛苦起碼性命付出嘅代價低得多！你估你有生之年會唔會睇到人類登陸火星喺火星生活甚至殖民？