{ SKIP }
文:MenClub 艾力克  
POSTED ON 27 Oct 2021

隨住《男兒當入樽》電影版將於明年秋季上映,最近網絡瘋傳一張電影海報,指劇情將會係大家期待已久嘅「湘北vs山王工業」,但後來發現原來張圖係Fans自製,並非官方消息。可能作者井上雄彦唔想見到大家再次「集體炒車」,喺今日就宣布開設個人Instagram,大家仲唔快啲一齊Follow!

風靡90年代嘅人氣熱血動漫《男兒當入樽》,絕對係一代人集體回憶,當年都唔知「導」咗幾多人去打籃球,成班人喺街場幻想自己係櫻木花道不停上籃(因為鋤唔到樽),所以今年年初官方宣布推出電影版嗰陣,隨即引起網絡一片轟動。

雖然電影大約仲有一年就上映,但截至目前官方都冇透露太多情報,只係出咗一條30秒嘅宣傳片,從片中嘅平頭裝櫻木花道可以推測,電影劇情應該係聚焦喺漫畫後半段,至於究竟係咪大家望穿秋水嘅「湘北vs山王工業」就仍然係未知之數。

正當大家苦苦等待之際,日前一個名為「inouetake_」嘅IG帳戶就貼出一張「湘北vs山王工業」電影海報,引嚟大量網友瘋狂Share紛紛表示「終於等到!」,就連我都興奮咗一下。之不過呢,有人好快就發現呢張圖並非官方消息,而係Fans自製,唔知你又有冇興奮咗一下呢?或者見到太多人中伏,一向只喺透過Twitter分享消息嘅井上雄彦,就喺今日宣布開設個人IG,雖然目前只有一張相,但相信日後應該會有更多嘢睇,大家不妨Follow

最近美國時裝品牌American Eagle邀請到Sydney Sweeney拍攝新廣告,引起強烈迴響,更一度刺激公司股價急升12%。但與此同時,廣告宣傳口號因為玩食字而惹來爭議,被批評宣揚白人至上主義。 American Eagle ...
hobby
【影視】Sydney Sweeney時裝廣告玩食字 被批宣揚白人至上主義
30 Jul 2025
琴日同大家報導過,外媒憑住MCU新電影《Fantastic Four: First Step》(以下簡稱《Fantastic Four》)於上週五嘅北美開畫首日票房,推算出其北美開畫週末票房同之前上映嘅DCU《Superman》應該會非常相似。而隨住週末 ...
hobby
【影視】票房預測非常準確 《神奇4俠》開畫票房同《超人》幾乎一樣
29 Jul 2025