疫情之下，相信過去1年多一定叫多左外賣，而回顧以前嘅年代外賣可能較多為自取，送上門嘅外賣限制較多，但黎到今時今日，外賣送上門已經係平常不過的事，其中戶戶送就係其中最多人選用嘅外送平台之一。

戶戶送明白食物之所以美味，是以生活點滴為菜式添上人情味，因此盡力搜羅全城美食，以美食連繫你我日常。而如果要數你叫得最多嘅野食係咩，你又諗唔諗到? 係咪米線? 飯? 壽司? 聽落好似都係啲唔同嘅野食，但其實都係離唔開一樣野，就係「飯」啦。

為慶祝6周年紀念，戶戶送特別呈獻：《美味日嚐之旅》限定展，由11月4日至7日將於中上環PMQ元創方，帶比你平凡而深刻、由米構成嘅日常故事。

戶戶送《美味日嚐之旅》限定展設計概念

一種食材，能變化出百種菜式，連繫百種情感。「米」絕對係香港人餐桌上最熟悉嘅食材，亦最能勾起香港人共鳴，最湊米氣、最地道嘅食材。戶戶送以「米」作為靈感，設計《美味日嚐之旅》限定展，帶你走訪一趟四部曲嘅米之旅程。

（一）米魅日嚐區

重塑復古米舖，帶大家認識米嘅種類及各種形態。打工仔要為五斗米折腰，你又知五斗米其實係幾重？由米嘅百科書，到香港人熱愛嘅米飯菜式排行榜，都喺晒呢個「戶戶送限定米舖」。

（二）細味日嚐區

米唔只係食材，更加係觸發記憶、共鳴嘅橋樑。展區設有4個3米高巨型米粒互動體驗裝置，每一顆大米粒都承載著一個香港人嘅故事。當你捐入去呢粒米入面，將會由星級導賞員林二汶、梁祖堯、曾比特以及本地插畫家Kazy Chan讓你可以聲畫細味每份窩心情感。其中梁祖堯更會親身聲演一個屬於他同外婆及糭嘅暖心回憶，值得一聽。

（三）人人日嚐區

戶戶送走訪全城，尋遍超過20位與米飯息息相關嘅人物，包括廚師、本地米農、溝米師、釀酒師等。展區更採用全港首創由米粒數碼像素組成嘅人像照片，更設即影即有拍照館，等你都可以影一張米粒特效照片作為紀念。

（四）幸福日嚐區

限定展最後一站在迷你城市場景中以微縮模型展現香港人嘅外賣進化史。唔知以前嘅人叫嘅外賣係點? 咁就真係值得你去睇睇啦。