{ SKIP }
文:MenClub 魏文青  
POSTED ON 09 Nov 2021

要數全香港最吸引嘅「中女」,現年38歲、舊年與拍拖多年、一直被指發展不及女方嘅陳炳銓分手嘅Ali 李佳芯,絕對係當中數一數二正。不過近日就有報導指,上個月Ali同一名中年男子於酒店密會,而該男子更係城中富商、前御藥堂老闆陳恩德。

在 Instagram 查看這則貼文

Ali 李佳芯(@aliaime)分享的貼文

據本地媒體報導,Ali於上月21日被拍到與前御藥堂主席、號稱「蟲草大王」嘅陳恩德 (Mark) 於Ritz Carlton酒店密會。記者影到佢哋同Lift落樓,Ali一開閘就快步衝向門口,而陳恩德就拎住兩個紙袋隔幾個身位隨後離開。雖然就冇影到啲咩親密舉動,但已經引起唔少猜測。

記者隨後分別向兩人求證,男方就連講五次「唔係」,指兩個人只係去酒店「食晏傾嘢」,仲笑言:「我都想呀,你安排下呀!」但隨後又補充「千祈唔好咁害人,我年紀大唔啱佢」。至於兩人傾咩合作,陳恩德就話係屬於慈善性質,詳細留返Ali自己講。而Ali回覆記者短訊查詢時,就話佢當日係同陳恩德傾一套關於腦退化嘅微電影合作,更直接否認二人係情侶關係。

在 Instagram 查看這則貼文

Ali 李佳芯(@aliaime)分享的貼文

今年較早前有報導指Ali獲城中富商力追,男方更於聖誕出動人造雪機為博紅顏一笑,不過Ali之後就否認傳聞,話自己「暫時冇準備拍拖」,而且「唔知認識嘅朋友有冇錢,因為我識人唔係睇佢有冇錢」。

Ali或者唔知陳恩德係咪有錢,但上網Search下就知陳恩德真係好有錢。佢後生時曾經靠炒股有千萬身家,97年金融風暴一鋪清袋後,2002與家人投資數十萬創立御藥堂,2013年上市,市值最高去到50億,而講到成為meme嘅「藥箱都變成首飾箱」就係佢本人諗出黎。亦因為多年來與米雪等藝人合作而成為朋友,上星期米雪姐贏馬,陳恩德仲有份去拉頭馬添。陳恩德去年離開舊公司後轉搞寵物藥妝,而佢太太就於2019年因病離世。

資料來源:頭條新聞

由《教父》三部曲金像導演Francis Ford Coppola操刀,集結Adam Driver、Laurence Fishburne、Nathalie Emmanuel等著名演員嘅《Megalopolis(大都會)》上周五在北美正式上映,開畫三天卻僅收400萬美元票房,最終恐怕 ...
hobby
【影視】《教父》導演自資1.2億新作《大都會》票房仆直!開畫首周末僅收400萬美元
30 Sep 2024
影迷等咗好耐嘅Max(前稱HBO Max)終於要登陸香港啦,唔知收費如何呢?
hobby
【影視】華納串流平台「Max」宣布進軍亞洲市場 今年底登陸香港及台灣
30 Sep 2024