立冬之後香港嘅天氣明顯開始轉涼，而呢種唔太熱又唔太凍嘅天氣最岩做乜? 咁就梗係去露營啦，特別係疫情之下無得去旅行嘅呢段時間，露營可以讓大家逃出城市，享受一下大自然。

而日前DECATHLON就喺將軍澳分店舉辦首個露營文化體驗祭《HELLO OUTDOORS! 秋山遊營》，由即日起至11月28日一連三個週末，為各位帶來各款露營山系品牌、裝備、用具、食品等，並重點推介各樣環保知識，等大家去一個綠色露營。

去露營就梗係需要大量物資，但係樣樣買樣樣放喺屋企喺香港都真係搞唔掂，所以今次DECATHLON就首度與全球規模最大分類買賣平台Carousell合作推出「DECATHLON x Carousell - SYOG 營人換物」各位戶外玩家可透過Carousell平台或到《HELLO OUTDOORS! 秋山遊營》現場，與其他朋友交換山系物品，咁就又平又環保啦。

當然，現場亦有唔少露營品牌參與，好似nothing_blue、YAMA Camping等，你將可以睇到一系列型格又實用嘅裝備，特別係各款露營帳篷，真係睇見都覺得舒服！

咁去露營除左個營之外，就梗係唔少得食同飲啦，而今次體驗祭就帶來野啡啡具品牌H House和公平貿易品牌FAIRTASTE細味公平合作嘅野啡角落，現場將有專業咖啡師駐場，為大家講解及示範如何喺山野靈活運用工具煮啡，等大家可以去一個更加Chill嘅露營。

除此之外，現場將帶來一系列名人專家分享有關山系嘅工作坊，等你可以獲得更多戶外知識及山野之樂，其中活動將包括劈柴體驗、繩結工作坊、與孩子露營講座等。

而現場更有遊戲比你去即場參與，你只需成為DECATHLON會員，並答中場內4條標高柱及標距柱上嘅QR code問題，即可換取《HELLO OUTDOORS!秋山遊營》山系露營襟章乙個，每日限定得500份咋！另外，「Chill快摺凳」挑戰就更有機會贏取DECATHLON折疊式露營椅乙張及價值$700嘅禮品卡，咁準備去露營就更加有資源啦！