Emoji學問博大精深，唔用又怕人哋覺得你份人悶，用錯又會弄巧反拙，所以最好就係睇下大家經常用邊款Emoji，咁就實冇死喇！最近Unicode聯盟就公布本年度Emoji使用排行榜，結果顯示曾被Z世代視為老餅先用嘅「笑到喊（face with tears of joy）」再次稱霸，成為全球最多人用嘅表情符號！

負責推出Emoji嘅Unicode聯盟，每年都會公布該年度Emoji使用排行榜（上年停辦），曾經喺2019年榮登冠軍嘅「笑到喊」直到今年依然稱霸，第2名同樣由「紅色心心」奪得，「笑到碌地」就從第4名攀升而第3名，排名同上屆並冇太大分別，只係名次上執咗位。

（圖片截自：Unicode Consortium）

值得一提嘅係，10款榜上有名嘅Emoji絕大部份都係正面，笑口噬噬又畀心心或者畀Like，同時又非常百搭，難怪會吸引咁多人用。從使近年推出過唔少新Emoji，但都冇辦法撼動佢哋嘅地位，唔知大家平時又用開咩Emoji呢？