{ SKIP }
文:MenClub 艾力克  
POSTED ON 08 Dec 2021

唔經唔覺又到年尾,係時候回顧一下過去一年有咩熱門話題!Google喺今日就公布咗香港區年度熱搜榜,反映大家呢一年嚟最關心嘅話題,其中「消費券登記」成為熱搜關鍵字及熱搜本地頭條榜首,而人氣爆燈嘅MIRROR就攻佔本地娛樂名人榜前三甲。

從熱搜關鍵字排行榜可以反映,除咗「消費券登記」以及同疫情相關嘅「疫苗預約」、「安心出行」、「疫苗抽獎」之外,大家對今年奧運特別投入,不斷搜尋香港運動員相關資訊及比賽日程,因此「奧運」、「何詩蓓」、「 張家朗」、「李慧詩」等關鍵字都榜上有名。

本地娛樂名人及話題人物方面,可以見到更多香港運動員嘅名字,而因為舉行百萬拳賽而掀起話題嘅林作及鍾培生亦成功殺入本地話題人物榜第9位。至於本地娛樂名人榜,毫無懸念由MIRROR包攬前三甲,而飾演《梅艷芳》嘅王丹妮亦係短時間內攀升至第4名,可見全城非常關注《梅艷芳》呢部電影。值得一提嘅係「光纖之父」高錕,事關Google早前曾製作動畫Doodle紀念佢對互聯網發展嘅貢獻,所以登上話題人物第4位。

正所謂好事不出門,壞事傳千里,從國際娛樂名人及話題人物熱搜榜可以見到,頭幾位嘅「彭帥」、「李雲迪」、「吳亦凡」都係因為陷入醜聞而榜上有名,其中彭帥同張高麗嘅性醜聞更係11月份先曝光,短短1個多月就成為榜首,睇嚟大家都好關注事情發展。

其他類別嘅排行榜如下:

荷里活片商久唔久就會更改未來電影嘅上映檔期,例如迪士尼昨日就突然宣佈調整明後兩年多部電影嘅上映時間,當中仲包括備受矚目嘅《Avengers: Doomsday》以及《Avengers: Secret Wars》! 據《Deadline》 ...
hobby
【影視】迪士尼突發調整上映計劃《復仇者聯盟》五、六集分別延期半年
23 May 2025
Bandai Namco與著名獨立電影公司A24今日正式宣布,將聯手製作奇幻RPG大作《Elden Ring(艾爾登法環)》真人版電影,並邀請到《Civil War(美帝崩裂)》導演Alex Garland執導及撰寫劇本。 blockquote class="twi ...
hobby
【電玩】《艾爾登法環》正式宣布翻拍真人版電影 《美帝崩裂》導演操刀、A24製作發行
23 May 2025