你用開邊個瀏覽器上網？自從「龜速」IE（Internet Explorer）瀏覽器失去市場成為歷史後，Microsoft Edge瀏覽器非常努力，數據顯示Edge正在逐少逐少收回失地！根據最新 Statcounter 數據顯示Microsoft Edge市場份額第一次超過4%，受歡迎程度超越Firefox (3.91%)，不過依然只係世界三流瀏覽器，排於 Google Chrome同蘋果Safari之後位列探花位置。同11月份依然獨大的Google Chrome( 64.06%)比較，差距明顯。不過Microsoft Edge數字上正在挖走 Chrome 用戶，唔信？你試下轉Microsoft Edge玩下！

Microsoft Edge瀏覽器繼續挖走 Google Chrome 用戶。而 Chrome網絡瀏覽器連續第二個月失去用戶。據 Statcounter 稱，Microsoft Edge 的份額係歷史上首次超過 4%。其受歡迎程度如今排名第三，超越 Firefox (3.91%)，僅次於Chrome同蘋果瀏覽器。蘋果憑自身IOS 令Safari 以 19.22% 的份額穩居榜眼，谷歌 Chrome 遙遙領先於瀏覽器追趕者。11月份，Chrome佔據左64.06%的市場份額。

不過有趣的是從趨勢上睇Google Chrome 瀏覽器乃唯一一個失去用戶的網絡瀏覽器。一個月前，其份額為 64.67%，9 月份為 65.15%。目前的數字是自 2021 年 2 月以來的最低水平，當時谷歌 Chrome 瀏覽器控制的市場份額唔到 63.6%。所以遙遙領先嘅Google Chrome係需要反省一下！對了！唔該唔好問我360瀏覽器、搜狗、百度、QQ瀏覽器係邊度？網絡世界從來都計算牆內同牆外兩套世界規律。