《最後一戰》士官長真人演出作品由醞釀至拍攝到下年上映歷時已經九年，2013年至今九年間世界已經翻天覆地大改變，當年玩Halo而家玩咩話？總之Halo迷有福了，《最後一戰》正式推出作品預告，終於下年有得睇啦！

派拉蒙同 343 Industries 剛剛係 The Game Awards 遊戲大獎 2021首度發表《最後一戰》劇集第一季首部正式預告片。雖然預告片其實無咩太多細節，但就可知劇集的時間軸應該係《最後一戰》系列初代的時間線！而最大的訊息係2022年有得睇Halo！呢部電視劇最初2013年由荷里活大導演史提芬史匹堡擔任製片人，當時令人充滿期待。不過一波唔止三折， Xbox娛樂工作室關閉後轉移左去有線電視網Showtime再花左四年到2018年批准繼續發展成10集劇作。之後又再延期至今。士官長一角色由Pablo Tell Schreiber飾演！

《最後一戰》故事主軸為「一場史詩般的26世紀人類與被稱為『星盟』的外來威脅間的衝突。《最後一戰》將透過動作、冒險和對未來有着豐富想像的視覺所編織出令人印象深刻的個人故事。」劇集預計於2022年首播。暫時係Paramount Plus獨家播映，約 9 集長度！