PS5剛推出嗰陣，成功買到機嘅幸運兒好快就發現機身嗰兩塊護蓋可以拆出嚟，隨後陸續有副廠推出各種五顏六色乜材質都有嘅相關配件，等機迷可以定制屬於自己風格嘅主機，不過Sony一直打壓呢種行為，甚至出律師信警告製作護蓋嘅廠商。如今官方終於推出原廠新顏色護蓋同手掣，冇機就話可以賴晶片短缺，咁點解呢塊膠都出得咁慢嘅呢？...

近日PlayStation宣布推出星塵紅、午夜黑、星幻粉、銀河紫及星光藍，共5款全新配色主機護蓋。前兩者將會喺2022年1月21日正式發售，而其餘嘅顏色就稍後推出，售價為HK$428。

至於DualSense手掣方面，官方繼先前推出嘅星塵紅及午夜黑之後，再追加星幻粉、銀河紫及星光藍三款新顏色，預計2022月1月14日發售，快過護蓋推出，售價為HK$588。