超級復古手提遊戲機Analogue Pocket因為疫情推遲出貨，原本5月等收貨的玩家等到12月終於有第一批的出貨，大多數收到貨的用家以及媒體對呢部多功能彩色復刻Game Boy手提遊戲機相當好評，由於其高解像3.5 吋 LCD 顯示屏，呈現成史上最靚的Game Boy體驗，手上仲持有舊手提遊戲盒帶的懷舊玩家，一定要入返部！Game Boy、Game Boy Color和Game Boy Advance等遊戲卡帶或加個轉插玩埋Game Gear、Neo Geo Pocket Color和 Atari Lynx等遊戲，一部齊料所有童年全部以更靚仔方式返曬嚟！ 

之前我地都專文介紹過Analogue Pocket，佢機面採用大猩猩玻璃製成的 3.5 吋 LCD 顯示屏，解像度為 1600 × 1440，係原本灰階Game Boy解像度10 倍咁多。原機Pocket 支援來自 Game Boy、Game Boy Color 和 Game Boy Advance 近 2,780 款遊戲帶。如果加上轉接插卡可以玩埋Game Gear、Neo Geo Pocket Color和 Atari Lynx等遊戲！據指呢部機畫面明亮清晰，絕交嘅解像度玩返當年嘅黑白甚至彩色遊戲都綽綽有餘，相當出色！以今日電量玩十幾個鐘都可以應付 ，加上獨有睡眠模式，即使裝置置身省電模式都唔會丟失遊戲進度。開機就打，停機睡眠！遊戲中可以選擇Analogue Pocket高清MODE、原機舊解像度顯示，以及原機舊解像度PLUS靚少少模式！

據收到的用家反映，Analogue Pocket握上手打機 手感非常舒適，握感優良 ，不過如果並非遊玩game boy系列遊戲帶，要加上轉接器（如Game Gear卡帶轉接器）就可能會變得笨重。 據評測唯一嘅缺點係主機兩側嘅音量及電源按掣唔太好撳，需要用家加大力度！ Pocket 有黑色或白色選擇，配備一個 USB-C 接口、耳機插孔以及設備底部的舊式鏈接電纜接口，以及側面的 microSD 插槽，用於固件更新，機身亦增多兩個主面板按鈕。主機使用可充電鋰離子電池，正常的亮度之下，玩家可以連打6 到 10 小時，相比舊時已有極佳的續航力。

用現時科技去重新探索玩返過去的遊戲，當然係完美屈機之作，好評應當係理所當然，不過如今消費力最高嘅正正就係當年小朋友長大後嘅中年人，各位中年大叔你會唔會花少少錢 (千五左右！)，買返當年的童年回憶！如果大家仲有保留細個時的遊戲盒帶就更好！