萬眾期待，MCU第四階段重頭戲《Doctor Strange in the Multiverse of Madness》（奇異博士2：失控多元宇宙）首條預告終於嚟喇！今次繼續玩多元宇宙，除咗Doctor Strange回歸演出，Scarlet Witch亦會加入戰鬥，劇情似乎將涉及《Spider-Man: No Way Home》、《Loki》、《WandaVision》、《What If...?》等多部MCU作品，仲未睇嘅朋友可以慢慢做足功課，事關套戲預計2022年5月上映！

《Doctor Strange 2》劇情將承接《Spider-Man: No Way Home》，講述Doctor Strange因為幫Spider-Man施咒解決身份曝光問題，而唔小心打開多元宇宙，由於事態嚴重並逐漸失控，於是Doctor Strange去搵Scarlet Witch幫手合力糾正，當中片尾嘅「暗黑版」Doctor Strange更令人耐人尋味。

今部續集將會由「蜘蛛俠三部曲」導演Sam Raimi執導，《Loki》編劇Michael Waldron加入共同撰寫劇本，除咗「Doctor Strange」Benedivt Cumberbatch、「Doctor Strange女友」Rachel McAdams、「Wong」黃凱旋、「Baron Mordo」Chiwetel Ejiofor等前作演員會回歸演出，今次仲加入咗「Scarlet Witch」Elizabeth Olsen以及新英雄「America Chavez（美國小姐）」。