我諗唔使我多解釋，各位色途老馬（又名老司機）都聽聞過訂閱制社交平台OnlyFans，但大家有冇諗過，當你同嗰位索爆嘅女星展開激情對話、傾到㷫烚烚嗰時，其實回覆緊你嘅唔單只唔係本人，而且仲要係一個男人？

據外媒《Dailystar》報導，雖然OnlyFans有明文規定用戶唔可以共用帳號，但最近一位Fans數目排名平台前1%嘅OnlyFans網紅Sarah（化名）表示，佢所認識嘅OnlyFans創作者，幾乎都會聘請助理幫忙管理帳號。事關當Fans數量太多嗰陣，創作者根本覆唔晒咁多人，所以會請一啲擅長用文字調情嘅人幫手，而且當中大部份員工都係男性。

另外，最近亦有位網友喺Reddit討論區爆料，聲稱自己係OnlyFans網紅助理，平時工作就係管理佢哋嘅帳號、幫手回覆Fans私訊等等，有時仲可以收取100至400美元小費，提醒各位老司機下次私訊網紅傾計嗰陣，記得回覆緊嘅人有可能會係佢。