【娛樂】Angelababy與黃曉明宣布離婚：未來仍是家人

自2014年公開戀情，2015年舉行世紀婚禮嘅Angelababy及黃曉明，今日突然喺微博共同表示「感恩過去所有，未來仍是家人！」，宣布結束6年婚姻關係。

早於2014年公開戀情嘅Angelababy及黃曉明，交往期間已經瘋狂高調放閃，其中Angelababy 25歲生日嗰陣，黃曉明就送出價值200多萬林寶超跑，感動到Baby即時流淚。翌年兩人更喺上海舉行童話般世紀婚禮，邀請到過百位名星名人出席，伴郎及伴娘團粒粒皆星，轟動半個娛樂圈，同時羨慕死唔少女士。

然而，呢對圈中模範夫婦近年屢傳婚變，直到今日就喺微博互Tag對方正式宣佈離婚，隨後透過工作室發聲明表示大家係和平分開，並已辦妥相關手續，未來將共同撫養兒子5歲大兒子「小海綿」。