「你今日玩左未?」相信係近日唔少人每日被問到的，因為每日玩猜字遊戲《Wordle》可能已經變成你同我每日都要做嘅事。而近日，《紐約時報》宣佈正式收購《Wordle》，據指今次收購涉資達到7位數美元。

Wordle：https://www.powerlanguage.co.uk/wordle/

《Wordle》作為去年10月先推出嘅免費網頁遊戲，其玩法好簡單，每日你有6次機會去估一個擁有5個單字母嘅英文生字，每一次估你都有回饋，究竟個英文字母岩唔岩呢? 定係岩埋位置呢? 而特別嘅係全球嘅人每日都係估同一個生字，估中嘅你將可以分享至社交媒體，因此其瘋傳程度變得相當誇張，由2021年底嘅每日30萬玩家，到今日超過幾百萬玩家每日都一齊估。

而今次《紐約時報》嘅收購可以話黎得好自然，因為製作者當日就係熱愛玩《紐約時報》入面嘅每日填字遊戲，所以靈感就係黎自呢度。

對於今次收購，《紐約時報》方面就表示將以免費形式繼續，玩法亦會不變，但係未來將會有更好嘅團隊去開發遊戲，令用戶體驗變得更好。