Apple首款頭戴式主動降噪耳筒AirPods Max，自推出以嚟就因為其定價及獨特造型引起唔少話題，所附送嘅原裝耳筒套更被網民揶揄似眼罩，女性內衣。不過，最近Gucci就推出咗款專屬保護套，啱晒各位追求時尚嘅果迷。

據官網介紹，Ophidia case for ‌AirPods Max‌採用經典GG Supreme帆布製作，並用上棕色皮革及金色窩釘封邊，其中皮扣位置更有一個雙G Logo及紅綠色織帶，將復古及當代元素融為一體，而內則就印上意指「屬於今天」嘅拉丁文「Hodiernum」。

值得一提嘅係，呢款保護套為Gucci網店獨家產品，門市冇得買，售價為HKD$7,850，而且比起本體AirPods Max（$4,599）更貴，有興趣嘅朋友可以到Gucci官網了解更多。