全球大企業開始進佔元宇宙，大炒元宇宙Decentraland虛擬房地產，上個月一幅虛擬房地產土地以243萬美元同等價值加密貨幣成交金額破紀錄！如果你都想進佔先機炒入元宇宙不妨都考慮按左你住緊層樓抵押貸款入市買Decentraland虛擬土地？美國元宇宙公司 TerraZero Technologies 近日就真係批出左第一單元宇宙抵押貸款助人虛偽上樓，玩VR都可以融資，你會唔會想抵押自己現實資產去虛擬宇宙炒第一桶金？

唔係講笑，美國真係有人抵押現實房產借錢入市買元宇宙房產，而TerraZero Technologies呢間公司已經開始接受借貸申請，呢間公司聲明其目標係要構建現實世界同元宇宙連接相關財務工具，加速元宇宙發展同應用。不過公司唔肯透露已接受財務交易客戶身分及相關財務資料。大家有興趣買樓投資可以利用 TerraZero 官方網站探索元宇宙房地產清單，然後如同一般地產公司玩法同佢地接洽商議。合資格客人完成抵押合約簽訂，TerraZero就會批准虛擬地產抵押申請，咁就會成功買左一幅地，你可以自由使用土地，不過 NFT就會先以TerraZero為註冊持有人，直到借款人將貸款清償贖回土地為止。

呢個玩法似曾相識，正正同現實中大家買樓流程相若。睇返大數據2021年四大元宇宙平台虛擬房地產銷售總額達到5.01億美元（約39億港幣），當中Decentraland平台購買虛擬土地金額最高土地成交價高達243 萬美元。唔止有錢人，好多頂級服裝及奢侈品牌都係元宇宙開發豪華地產同豪宅，投資金額仲相當高昂。未來元宇宙虛擬房地產好可以會迎來快速炒賣增長期，不過虛擬土地未來增值的可能性與幅度無法預料，而且借錢投資從來都係高風險，正所謂借錢緊要還咪俾錢中介，元宇宙虛擬產品嘅價格可以急升或者急跌，投資者有機會蒙受投資嘅全盤損失，而無過往嘅表現無法推測未來表現指標，所以投資前宜先詳細參閱相關嘅文件作出風險評估，同埋尋求專家嘅意見。