全球魔戒迷引頸以待，由Amazon Studio斥資數億美元製作嘅《魔戒》劇集《The Lord of the Rings: The Rings of Power》預計今年9月正式上架，日前官方就率先曝光多張角色海報，等各位觀眾先睹為快。

雖然官方所公布嘅23張角色海報就冇樣睇，不過就展示出每位角色嘅部份造型以及關鍵特徵，當中華麗嘅長袍、霸氣十足嘅盔甲、亦有粗布麻衣，而且每人手持嘅物品亦非常有意思，唔知大家估唔估到佢哋係屬於咩族種嘅呢？

據先前所公布嘅消息，呢套號稱「史上最貴」嘅劇集，第一季製作成本已高達4.64億美金，仲貴過電影版三部曲加埋，由J.D. Payne及Patrick McKay擔任節目統籌。故事背景設定於《哈比人歷險記》及《魔戒三部曲》數千年前嘅中土世界第二紀元，講述魔戒鍛造過程，各個種族崛起及衰亡。

資料來源：Twitter@LOTRonPrime、variety