美國每個州都有唔同法律，而奧克拉荷馬州剛剛就通過一項新法案，禁止未獲得經銷商牌照公司銷售汽車，即如今Tesla式直接賣車方式唔合法，必須要行經銷商體系由代理賣車，呢個法規顯然就係保護傳統汽車經銷商反制車廠直營，不過法案都有一線門戶准法例實行頭一年之內，居民或當地企業可以自行由其他州購入、運送三架新車，無需取得經銷商牌照。但如果超過呢個限額，就會被開罰單，唔知Tesla會唔會妥協係當地將車交畀代理銷售？

美國奧克拉荷馬州（Oklahoma）今日通過一項特別法案，為「新動力汽車經銷商」重新定位，作為傳統汽車經銷商近年積極爭取自身權益，反制車廠直營組成龐大工會勢力，成功遊說通過相關新法案。首當其衝恐怕正正係直接自營賣車的Tesla。法案中規定任何車廠或企業，不得任意販售、出租車輛，車輛相關交易行為都必須經過持有牌照「經銷商」才能進行。同時，車廠和車廠控制的子公司，不得申請成為經銷商。而且連所有新車運送，都必須透過經銷商處理，唔可以由車廠自行運輸。車廠除左要配合經銷商銷售之外，仲必須「基於安全理由」，提供相關消費者數據予經銷商。相反，經銷商唔需要配合車廠要求提供消費者數據。相關的查驗與裁罰，將由奧克拉荷馬汽車委員會負責，可以依情況處以罰款或是吊銷經銷商牌照。成個法案可謂完全保護當地汽車經銷商行業！

Oklahoma legacy auto dealers want to shut down our OK Tesla Service Center - owners just got this letter - some say it won't even get a hearing? @SawyerMerritt @JohnnaCrider1 pic.twitter.com/yFlTrKFXfK

— Priscilla Sanstead (@pbsanstead) February 21, 2022

法案有意無意就係針對住Tesla同好多電動車新創企業，Tesla自產自銷策略已嚴重影響同打擊傳統汽車經銷體系，好多車廠都開始想效法Tesla模式，車主買車直接下訂，唔駛再經經銷商來回喊價，代理經銷商要抬高價格賣車都唔得，大大影響汽車經銷商生存空間，故先至會有今日奧克拉荷馬州新法案！

大家又認為買車去代理經銷商講價要求取優惠好定Tesla模式明碼實價直接落單好？其實如果雙軌制車廠直接落單無優惠有錢快速有車，然後代理慢慢賣車有折扣回贈等各種優惠畀鐘意同代理打交道車主。大家各取所需都唔錯！