自迪士尼收購21st Century Fox，《Deadpool》、《Fantastic Four》、《X-Men》等IP重回娘家，唔少影迷都非常期待MCU版嘅《Deadpool》，繼早前Marvel Studios主席Kevin Feige寫包單《Deadpool 3》將會係MCU首部R級電影後，如今再有新消息傳出！

據外媒《The Hollywood Reporter》獨家報導，《Night at the Museum（翻生侏羅館）》系列、《Free Guy（爆機自由仁）》、《 The Adam Project（超時空亞當計畫）》導演Shawn Levy將會接棒執導《Deadpool 3（死侍3）》，除咗係佢首次執導MCU電影，同時亦係第三度同「死侍」Ryan Reynolds合作。另外，前兩集編劇Paul Wernick及Rhett Reese亦會回歸撰寫劇本，估計最快今年底或出年年頭開拍。

向來幽默嘅Ryan亦喺Twitter貼出一張《Free Guy》主角Guy、《The Adam Project》主角Adam以及死侍嘅三人合成照，戲稱呢三部電影係「Shawn Levy三部曲」，唔知大家期唔期待呢？

The third film in my Shawn Levy trilogy will be a tad more stabby. pic.twitter.com/ofBrFyaRsv

— Ryan Reynolds (@VancityReynolds) March 11, 2022

資料來源：THR