BANDAI NAMCO於昨晚直播活動「ONE PIECE NEWS - NEWS COO ONLINE」正式公布《海賊王》系列JPRG新作《ONE PIECE 時光旅詩》（英：ONE PIECE ODYSSEY），並同步公開首條宣傳片及製作人留言影片，預計今年內登陸PC、PS4、PS5、Xbox Series X/S多個平台。

據官方介紹，本作以「ONE PIECE世界」為主軸耗時5年開發，故事講述路飛一行人因遇上暴風雨而漂流到一個小島並彼此失散，為咗逃出小島，路飛一行人將會展開全新冒險，面對島上嘅強大敵人。除咗路飛之後，玩家亦可以扮演卓洛、娜美、山治、烏索普、索柏、魯賓、芬奇、布魯克等其他船員，但似乎就冇「海俠」甚平喇。

製作團隊方面，除咗邀請到原作者尾田榮一郎設計及繪製全新角色與怪物，官方亦搵嚟曾為《黑暗靈魂（Dark Souls）》、《傳奇系列（Tales）》作曲嘅櫻庭統製作配樂。