日本漫畫家比村奇石於2015起於Twitter上每調發佈一張上圍豐滿嘅少女插畫，為各位「社畜」打打氣，結果因為反應非常好，結果相繼動畫化及單行本化。日前推出單行本第四集時，出版商講談社為咗宣傳，就喺當日嘅《日本產經新聞》報紙上落咗個全版廣告，點知就惹來衛道之士批評物代女性諸如此類。

月曜日のたわわって「月曜朝の出勤の憂鬱さを解消するため胸の大きな女性を性的に鑑賞して楽しむことでそれを解消しよう」って趣旨で盛り上がってるコンテンツだよね。ただでさえ女性を性的に鑑賞することを推奨してて有害なのに、それを大手新聞社が大々的にやるんだから呆れる。流石女性の人権後進国 https://t.co/wfrgsl73PS

— ㋚ (@Yl5FkYZiIuCtWpf) April 5, 2022

講談社落嘅全版廣告其實非常簡單，就係一個著住校服嘅女主角「I醬」，加上作品名、宣傳字眼、以及一句「今週都會變成美好的一週吧」，甚至因為甫士嘅關係，其實都唔係好睇到「I醬」嘅身材有幾好。但有部份人睇到呢個廣告就覺得好有問題，於Twitter指《星期一的豐滿》係一部「以色情眼光看待女性嘅漫畫」，質問「點解要登呢種藐視女權嘅廣告」、「變相鼓勵視姦」等。而《星》嘅Fans們當然亦奮起反擊，話男偶像出演嘅《裸之少年》嘅廣告乃係真人裸上身，但冇人覺得有問題，《星》就被人鬧，好明顯係雙重標準；亦有人認為投訴嘅人唔係針對《星》本身，只係睇唔順眼「御宅族鍾意嘅嘢竟然能夠光明正大登上報紙」。

【拡散希望】2022年4月4日日経新聞に掲載されたマンガ「月曜日のたわわ」の全面広告に関して、全国の10～20代女性100名を対象に、リサーチ会社を通してアンケートを実施しました。
結果、高校生を含む若者女性の8割以上が「特に問題はない」と回答しました。
10代と20代に大きな差もありませんでした。 pic.twitter.com/HHm8kAGq6b

— いっちゃん (@1chan_nobit) April 12, 2022

當大家以為呢場係一場「男女之戰」嘅時候，網民「いっちゃん (@1chan_nobit)」就委託市場調查公司做咗個小型問卷調查，訪問咗100名15-29歲日本女性對於《星》個全版廣告嘅睇法，結果發現不論係「10代」定「20代」女性，都有八成認為個廣告冇咩問題，表示覺得有問題嘅女性可能只係少數。雖然規模太少而且只針對年輕族群，令呢個調查冇咩代表性，但就依然引起另一陣熱話。有網民就留言指「果然係人越少就越大聲」，亦有人建議「無視嗰兩成就好」。