近日一名香港演員因為「塗黑」自己去演菲律賓裔角色而被罵，而於動畫圈中亦有類似嘅事情發生。由遠藤達哉創作嘅漫畫《SPY x FAMILY》動畫版近日開始播放，但外國觀眾就批評作品沒任何黑人或同性戀角色，而指作品「種族歧視」；另一邊廂，又有人自行「塗黑」動畫中嘅角色，結果同樣被罵。

先交代少少作品設定。《SPY x FAMILY》故事發生於充滿冷戰時期東西德影子嘅「東、西國」之中，講述西國間諜「黃昏」為咗完成任務，與一名有超能力嘅孤兒女童「安妮亞」，以及戰鬥力超高、但平時非常溫柔呆萌嘅女殺手「約兒」組成一個大家都唔知對方真實身份嘅臨時家庭，並一邊試圖完成任務，一邊經營家庭。

圖片：截圖自ecco2kluvrr on TikTok

但呢套輕鬆家庭喜劇就於歐美引起種族歧視嘅話題。先係於TikTok上嘅「ecco2kluvrr」發文「批評」《SPY x FAMILY》「點解冇黑人角色？幾乎所有角色都係白人而且異性戀 (Straight)」，留言就話「咁樣非常狹隘而且種族歧視」。另外佢亦拎動畫中「爸爸」黃昏帶安妮亞去整校服，安妮亞被裁縫拖去度身時對黃昏講嘅一句「我要被人賣走了」，話係「鼓勵拐帶兒童」。由於佢嘅言論實在太荒謬，被其他網友嘲笑之餘，亦有人質疑佢係咪「假膠」。

Spy x Family pic.twitter.com/0VaRrt65jG

— SOUL ????Dreamcon (@SoulKingLives) April 17, 2022

Spy x Family 2/3 pic.twitter.com/zTKslNailR

— SOUL ????Dreamcon (@SoulKingLives) April 19, 2022

另一邊廂，於Twitter有近三萬個Followers嘅「SoulKingLives」就上傳咗一批日本動畫作品嘅「Fixed Art」。所謂「Fixed Art」係「二次創作」嘅一種，透過修改其他人嘅作品，令其變成 (二創者認為嘅)「政治正確」。而「SoulKingLives」就將黃昏變成一名卷髮黑人、亦將安妮亞變成黑人女童。另外佢亦曾「修改」《國王排名》等作品中嘅角色。

有部份網民就認為「SoulKingLives」嘅作品非常偽善，質問如果當年白人將自己塗黑去扮黑人係有問題，咁依家你將本來就唔係黑人嘅角色塗黑點解又可被接受。當然，亦有人認為「SoulKingLives」創作沒有問題。