隨住Switch新運動遊戲《Nintendo Switch 運動》將於4月29日推出，日前任天堂再推新廣告，今次同樣搵嚟曾經幫忙宣傳《健身環大冒險 RingFit Adventure》嘅新垣結衣出演！從大約1分鐘嘅廣告入面，可以見到結衣放低健身環，改用Joy-Con展開一場激烈羽毛球賽，而且仲玩到滿頭大汗入晒神，就好似打緊真嘅羽毛球。

據官方介紹，《Nintendo Switch 運動》除咗有羽毛球可以玩，仲有保齡球、擊劍、網球、足球及排球等運動。玩足球運動嗰陣，仲可以用腿部固定帶將Joy-Con綁喺大髀模擬踢波動作，啱晒同屋企人/朋友一齊玩一齊笑。