最近《ONE PIECE》消息不斷，除咗尾田榮一郎宣布休刊一個月，漫畫正式步入最終章，劇場版電影《ONE PIECE FILM RED》亦公開全新預告，今次更搵嚟人氣歌手Ado獻唱主題曲！

本作講述人氣歌姬Uta將於音樂之島「艾利吉亞」舉行首次露面演唱會，吸引大量Fans、海軍、海賊，以及路飛一行人前往觀看，結果發現Uta原來係「紅髮」撒古斯個女，故事從此展開。從短短1分鐘嘅預告得知，原來路飛同Uta細細個已經認識，當中更閃過好幾幕風車村時期嘅畫面，令烏索普同索柏(又名喬巴)感到非常驚訝，同時解釋到點解兩人會咁熟落。

另外，官方亦揭曉女主角Utr將由《叛逆的魯魯修》娜娜莉聲優名塚佳織聲演，至於歌唱部份就由人氣歌手Ado獻唱，預計8月6日於日本正式上映，至於香港就暫時未有消息。