全球其中一個最受跑家歡迎跑步程式之一Nike Running Club 突然宣佈將會係7月8日完全停止中國內地的業務營運，廠方無具體說明原因，可能純粹出於業務調整，就將原有超過800萬用家的中國NRC停止，相信都算都係一種精心計算後的決定，對中國用家其實只是少左一個選擇而已，單講中國市場數出多人用的跑步程式就多過五個，心理震顫比實際意義大！

當你過去以為全世界都想加入中國市場搶14億人大生意，對不起！過去一年唔少歐美企業都因為專注於自己原本的市場，有意無意展示撤離中國，反而擁抱自己得到更多，Nike Running Club係唔係呢種就唔知，只知道佢地高調地決定停止中國內地的服務及營運，由即日起 NRC 會為有需要的用家跑手們提供數據導出服務。

Nike 係咁要放棄咁大個中國，暫時的確係！但未來總係留一線，據廠方透露將會開發一個來自中國的生態系統，專門滿足當地獨特的消費者需求，更好地為運動員服務，又強調未來會繼續為中國跑手提供加強和本地化的數碼化解決方案。至於個明天即幾時？無人知，起碼我地個明天明天已經等咗兩年。早前LinkedIn 和 Yahoo 撤出及減少在中國的服務，不過內地已經有哂所有中國內地版同類應用程式。