航拍有妙用真人版《GTA2》

文：MenClub 魏文青　　圖：互聯網
POSTED ON 06 May 2015

講起「開放世界」嘅遊戲，《GTA》夠膽話第一，應該都冇咩人夠膽認第二 (我冇打錯架)。你睇依家一有新作出，就有幾咁多人爭住哂自己部電腦有幾勁畫面有幾靚家用機有幾咁廢玩就知佢有幾把炮。但對我呢啲老C忽玩家黎講，印象最深嘅唔係佢嘅遊戲模式，係佢個奇妙嘅遊戲視角！

想當年文青跪求阿媽多年，先買到部PS1返屋企，仲一嘢送咗20隻老翻碟！其中一隻竟然就係《GTA》，但當年年紀尚輕，英文又唔好，睇唔明佢做緊咩就冇再玩。幾年之後再搵返先知原來係隻神作！唔單止個幫會系統做得好、啲任務又夠刺激、電台啲音樂又好聽、久唔久搵到部坦克仲可以即刻進入「無雙Mode」遇神殺神遇佛殺佛，但計我話最好玩就係嘗試用唔同角度、唔同方法將自己個人炸上天！

想重溫當年情，唔一定要摷返部封咗塵甚至變埋做鐘嘅PS1出黎嘅，有疑似戰鬥民送Youtuber就用航拍仿照GTA2嘅鳥瞰角度，拍咗呢條真人版GTA短片。雖然啲特技效果就簡陋咗啲，但起碼誠意搭夠啦！呀，但係點解冇嗰首「Taxi driver must die~~~~~」嘅呢？