酒係唔少人嘅至愛，不過坊間有唔少人都覺得酒唔可以飲得多，而如果飲酒可以做慈善，咁你又會唔會飲得更加理直氣壯呢?

近日，意大利著名開胃酒 Campari 與美酒雜誌 Imbibe Magazine 攜手於 9 月 12 至 18 日期間舉辦國際慈善慶祝活動 Negroni Week，透過美酒宣揚正面信息，創造更美好世界。呢一項全球慈善計劃於過去十年已籌集左數百萬美元，以支持來自世界各地嘅酒吧、餐館及零售商。

而今年踏入 Negroni Week 十週年誌慶，除左可以見證 Negroni 成為全球最暢銷雞尾酒外，佢地更將夥拍 Slow Food 成為官方合作機構，同時為共襄善舉一同舉杯。

Negroni Week 開幕派對 Closer Than Ever 將於9月12日晚上7-10pm於 Honky Tonks 舉行，參與合作夥伴包括香港四季酒店 Argo、香港瑰麗酒店 Darkside、Honky Tonks、The Diplomat、Shady Acres 和 The Dispensary。除 Honky 團隊嘅 Negroni Week 菜單外，每組調酒師將獨家設計 Negroni 雞尾酒原創食譜。為增添活動趣味性，調酒師將會分為兩人一組，戴上手銬並同時輪班為顧客調製雞尾酒。

活動中調酒師將進行一場友誼挑戰賽，組別在輪班期間調製最多杯 Negroni 雞尾酒將會贏得 NW22 獎杯。而呢一晚所有收益將捐贈比合作慈善機構Slow Food Negroni Week 基金，基金將直接支持 Slow Food 國際項目，同時支持酒店業、保護文化及生物多樣性，以及促進食品與飲料教育及知識交流。