【科技】日企研發「自動洗澡機」 預計2025年大阪世博登場

為迎接2025年大阪世界博覽會，以製作超微細氣泡花灑頭而聞名嘅日本企業「サイエンス（SCIENCE） 」，最近宣布研發一款劃時代產品「人間洗濯機」。據公司會長青山恭明介紹，呢部洗澡機除咗具備超聲波清洗功能，更設有多個感應器，能根據背部脈搏計算出壓力指數，再由AI調配出合適畫面、香味及溫度，消除用家身心疲勞。

青山恭明透露，佢之所以會有呢個諗法，係緣於三洋電機（即現今嘅Panasonic）曾經喺1970年大阪世界博覽會展示過一部「自動洗澡機」，所以佢想喺50年後推出升級版本。