四年一度國際足球盛事FIFA世界盃即將於卡塔爾開波！咁睇波就無理由一個人留喺屋企睇啦，睇波緊係要有氣氛，其中以下呢個三個商場: 奧海城、屯門市廣場及荃新天地都將會同 Now TV 合作，全程免費直播 64 場精彩賽事！！

其中 11 月 21 日 00:00 展開嘅揭幕戰，奧海城更會有大型「全城開波」派對，邀請到人氣歌唱組合 C AllStar、ONE PROMISE 及女神嘉盈@FHProductionHK 及 Kylie C 鄭杞瑤到場!

其中奧海城地下中庭位置將舖設逾三千尺人造草氈，並特設座地 430 吋大電視全程免費直播賽事，等你猶如置身現場草地上觀看精彩世界盃賽事。而今年為了讓不同語言嘅人士都可以親臨欣賞比賽，奧海城更在另一邊活動大堂全新添置 430 吋大電視播放英語旁述，體驗足球狂熱無分國界精神！

咁睇波又點少得送大禮，奧海城到時將送出超過 2,000 張 S 現金券，S+ REWARDS 會員於每晩首場賽事用手機應用程式透過大電視QR Code 贏取現金券。由 16 強賽事起，現場球迷更可以免費登記成為 S+ REWARDS 會員，並參與現場遊戲，有機會贏取超人氣PlayStation®5 主機連最新足球遊戲《EA SPORT™ FIFA 23》兌換碼、S 現金券、5G 手提電話、AirPods、Apple Watch 及其他豐富禮物，試問點可以錯過！