早前微軟以天價687億美元收購動視暴雪引發壟斷爭議，英國競爭及市場管理局(CMA)就此作出調查，結果卻意外揭露PS6上市時間！

CMA最新調查文件顯示，Sony非常睇重動視（Activision）出品嘅《Call of Duty》系列，表示微軟已提議2027年之前繼續向PlayStation提供動視遊戲，並認為5年時間足以讓Sony尋找替代品。但Sony就覺得如果下一代PlayStation主機推出時，PS玩家冇得玩《Call of Duty》以及其他動視遊戲，將大幅削弱新主機競爭力，消費者亦可能因此跳槽。因此外媒就推測PS6最快會喺2027年尾或2028年正式問世。

另外，Sony亦表明就算有能力同資源開款一類似《Call of Duty》嘅射擊遊戲，都要花上多年時間及數十億美元先能夠與之匹敵，仲要唔一定成功，EA嘅《Battlefield》系列就係一個活生生嘅例子。

順帶一提，查實一般遊戲主機生命週期都係大約5-7年，PS3、PS4及PS5分別喺2006年、2013及2020年推出，所以PS6喺2027年問世亦係相當合理。