自 2016 年, MIZUNO 創立時尚支線 MIZUNO SPORTSTYLE 以來,便一直深受時裝潮流人的追捧, 更不時受到不同的潮流單位青睞, 攜手創作出多個聯乘別注系列, 而今個月佢哋亦再次迎來與時尚網站 HIGHSNOBIETY 嘅限定款式, 絕對不能錯過!

HIGHSNOBIETY 本以潮流資訊網站作定位, 後來除引入電商平台之外, 更不時受到不同品牌邀請合作推出聯乘企劃, 現今已成為潮流界其中一個炙手可熱嘅單位。2018 年 HIGHSNOBIETY首次與品牌合作帶來聯乘鞋款, 今個季度雙方再度聯手, 更找來了德國元祖級球鞋達人 HikmetSugoer 合作, 並以辨識度極高嘅 WAVE RIDER 10 為主角, 為鞋款賦予透明物料、麂皮、鴛鴦色鞋墊等玩味元素, 創作出極具備街頭風及質感極高嘅波鞋。

WAVE RIDER 10 於 2006 年被正式推出市場, 用上標誌性 WAVE 緩震技術, 使其成為 MIZUNO其中一雙最好嘅跑鞋。多年過去,WAVE RIDER 10 嘅高科技設定仍然為球鞋提供著高度的舒適感。今番與 HIGHSNOBIETY 共同創作嘅聯乘版 WAVE RIDER 10 以簡約的灰白色為主調,配合紅、藍兩色以及透明物料作點綴, 使球鞋於低調的設定中仍然搭載著極度吸睛嘅細節。除此之外, 波鞋嘅內襯更加係由皮革構成, 提供更高嘅舒適度。