經典賽車動畫《頭文字D》續作《MF Ghost》再推新預告！今次曝光更多角色畫面同靚車，預計今年內正式播出。

《MF GHOST》由《頭文字D》作者重野秀一創作，故事發生喺《頭文字D》20-30年後嘅202X年，所有車廠已經停止生產汽油車，取而代之就係電動車及氫燃料車。不過仍然有班熱愛汽油車嘅車迷，喺日本市區、山路及高速公路舉行競速賽事「MFG」，並透過網絡轉播大受歡迎。年僅19歲嘅主角片桐夏向係一位畢業於英國著名賽車學校嘅天才車手兼拓石徒弟，因為某種原因前往日本參與MFG，故事由此展開。

從最新預告片可以見到片桐夏向、西園寺戀、相葉瞬及緒方等主要角色，入面啲車亦唔再係AE86等中古車，而係豐田GT-86、日產GT-R Nismo、保時捷911 Carrera GT3、保時捷718 Cayman、林寶堅尼 Huracán LP610-4、法拉利 488 GTB、平治AMG GT S等名車。