{ SKIP }
文:MenClub 魏文青  
POSTED ON 23 Feb 2023

據日本《NHK靜岡放送局》報導,近日靜岡縣濱松市嘅一個沙灘上,突然出現一個宣徑約1.5米嘅「神秘鐵球」,最初報導指政府當局未知道個鐵球實際上係咩黎,但日本網民一睇就非常肯定:「撒亞人黎咗地球啦!」

從《NHK靜岡放送局》發佈嘅片段可見,呢個鐵球大致呈泥黃色,整體非常渾圓,表面仲有幾攤可能係鐵鏽,又有啲似燒黑嘅痕跡。《NHK靜岡放送局》亦報導,經當地警方初步調查,雖然暫時未知個波係咩黎,亦唔知入面有啲咩,但就應該冇爆炸危險。

而網民一見到個波,就不約而同諗起《龍珠》入面著名嘅撒亞人太空船。《龍珠》撒亞人篇中,拿迪斯、比達及立巴先後乘坐一款直徑大約1.5米、僅能屈坐其中嘅太空船抵達地球。後來亦揭露身為撒亞人嘅悟空,年幼時亦係坐同款太空船逃離比達星,甚至後來《娜美星篇》中,該款太空船亦多次出現,可謂整個《龍珠》系列中最具代表性嘅載具。

亦因如此,唔少網民都轉載有關報導,笑稱「撒亞人終於黎啦!」、「連個大小都差唔多」。另外亦有網民指出個波有啲似《GANTZ》入面個神秘黑球。而較為現實嘅網民就估計可能係用黎拆樓嘅撞擊鐵球。而後來就證實,該鐵球係一個鬆脫嘅海上浮標。

為防止未成年用戶接觸「不當內容」,近期英國正式實施網絡安全法(Online Safety Act),要求境內所有提供成人內容嘅網站及應用程式,必需加入強而有效嘅年齡驗證機制,唔再好似以往咁撳一下「我已滿18歲」就得。現 ...
hobby
【電玩】英國新法防未成年接觸不當內容 玩家用《死亡擱淺》角色破解驗證系統
28 Jul 2025
繼《Helldivers II(絕地戰兵2)》宣布登陸Xbox Series S/X後,PlayStation近日一份招聘廣告顯示,佢哋正計劃將更多自家遊戲拓展到其他平台。或者在不久嘅將來,玩家們能夠從Xbox及Switch 2玩到PlayStation嘅招牌作 ...
hobby
【電玩】PlayStation招聘多平台高級總監 計劃將旗下更多遊戲移植到Xbox及Switch 2
28 Jul 2025