早前一名日本高中生於日本壽司郎舐碟、用沾有口水嘅手指觸摸輸送帶上嘅壽司，結果造成公眾衛生問題，壽司郎股價大跌之餘，整個迴轉壽司業都受到影響。事件先啱啱平息冇幾耐，近日日本網絡又瘋傳另一段惡作劇影片，而且今次係有人用消毒酒精噴壽司！

【悲報】回転寿司炎上界隈史上、
最悪の迷惑テロ動画見つかる。 pic.twitter.com/OQpd5OK9iE

— 大学生のきしょいストーリー (@kisyo_story) February 23, 2023

據日本媒體報導，近日日本Twitter上流傳一條長約13秒，名為「迴轉壽司業史上最惡劣的惡作劇」嘅影片，影片中可見一名身穿綠色衫、疑似為初中生嘅男孩，於某間壽司郎內拎住一支消毒酒精噴霧，對住輸送帶噴灑。最初佢就係瞄準輸送帶以及上面嘅小型廣告牌噴，但隨後就見到佢貼住一碟壽司繼續噴灑，亦冇拎到碟壽司落黎。雖然男孩似乎係瞄準「壽司碟旁邊」而非「壽司本身」噴消毒酒精，但壽司亦好可能沾上消毒酒精。

據報片中主角係一名來自九州嘅中學生。亦有人指出，據影片拍到嘅店內菜單黎睇，條片應該係於去年秋天拍攝，咁計嘅話比起「口水事件」都仲要早。

值得一提嘅係，自「口水事件」後，日本壽司郎目前採用「即叫即整」形式，輸送帶上已經唔再有壽司。亦有人擔心多單針對迴轉壽司嘅惡作劇曝光後，會打擊日本民眾對於整個行業嘅信心，甚至可能導致整個迴轉壽司業嘅末落。

資料來源：News Post Seven