相信大家細個嗰陣，唔多唔少都會睇過《義犬報恩》、《長腿叔叔》、《飄零燕》等「世界名作劇場」動畫。最近CAPCOM為宣傳新作《生化危機 4 重製版》，就整咗條類似畫風嘅短篇動畫，以趣怪方式還原原作劇情。

短短一分鐘嘅宣傳片參照原作劇情，講述Leon前往某條神秘村落尋找Ashley，然而當Leon詢問村民有關消息時，只獲得一連串西班牙文回覆，最後更被村民們圍剿而亡。從片中可以見到唔少致敬元素，例如片頭嘅一男一女及狗狗畫面似乎係模仿緊《義犬報恩》，而拎住草叉嘅白髮村民就神似《飄零燕》海迪爺爺，預計嚟緊會再推出新集數，唔知下次會惡搞邊個經典角色呢？

《生化危機 4 重製版》將於3月24日於PS4/5、Xbox Series X/S及Steam等平台正式推出，而免費體驗版「Chainsaw Demo」已開放下載遊玩。

《飄零燕》

《義犬報恩》