綜合外媒報導，紐約警方於當地時間25日接獲一名30歲女子報案，聲稱自己被Jonathan Majors毆打，經驗傷後發現頭部及頸部有明顯傷痕，目前情況穩定，其後警方以涉嫌勒頸、毆打及騷擾等罪名拘捕Jonathan Majors，目前已交保獲釋。

據了解，該名女子係Jonathan Majors女朋友，兩人前一晚離開酒吧搭的士回家時發生口角。事關該名女子見到Jonathan收到另一位女仔Send嚟嘅短訊，試圖偷睇手機嘅舉動激嬲咗Jonathan，對方一怒之下出手掌摑並叉住佢住條頸。之後兩人當晚亦分開地方過夜，直到第二朝該女子先決定報警。

《Creed III》劇照

事後Jonathan Majors代表律師透過聲明表示：「Jonathan Majors完全是無辜，目前正迅速收集證據並交畀當地警方，希望所有指控能夠立即撤銷。」而Jonathan Majors發言人則表示：「佢冇做錯任何事，我哋期待Jonathan Majors可以洗脫污名並澄清返件事。」