24小時從不間斷嘅YouTube音樂直播頻道Lofi-Gril終於有新夥伴，啱晒邊聽邊打機！

著名YouTube音樂頻道 「Lofi Girl」日前推出全新直播節目「synthwave radio - beats to chill/game to」，首度帶嚟男性角色及全新寵物，畫面以充滿科幻感嘅藍色為主調，動畫亦從女孩寫筆記變成男孩坐喺電腦枱前不停敲打鍵盤，透過節奏感強勁嘅synthwave電子舞曲陪伴各位觀眾chill同打機。

「Lofi Girl」自2017年起於YouTube上不間斷直播Lo-fi音樂，累計至今已直播超過13,000小時，頻道觀看次數更突破15億，陪伴過無數人度過工作及讀書時光。與此同時，當中戴住耳機讀書嘅女孩亦變成一種Meme，時常被其他流行文化提及。