Netflix真人騷《體能之巔：百人大挑戰》（Physical 100）以選出最強Body為重點，集結100名肌肉猛男美女展開連串體能競賽，今年1月播出後隨便引起熱烈討論，更令唔少男士扚起心肝操Fit自己。如今官方正式宣布續訂第二季，所有內容都會全面升級...

官方表示，《體能之巔》第2季將會搵嚟全新100名參賽者，不考慮年齡、性別、國籍及體重級別，讓所有人同場競爭，直到分出最後勝負，務求找出完美體格。導演亦表示新一季內容將會全面升級，各方面都會超越前作，第1季拍攝場地已相當於兩個足球場大小，而第2季將進一步擴充，同時加入更多新元素，與不同專家合作，設計出更周全及激動人心嘅關卡，保證觀眾會睇到眼都唔眨，不過就未有透露具體上線時間，唔知今次會有咩選手呢？