為慶祝《Barbie芭比》下月20號正式上映，Airbnb宣布免費出租劇中粉色別墅一晚，但名額只得兩個！

呢間粉紅色豪宅位於美國加州著名滑浪城市馬利布（Malibu），坐擁無敵大海景，並設有無邊際泳池、健身室、戶外Disco舞池等設施，成功入住嘅客人能夠一睹阿Ken嘅精美衣櫃，享受獨一無二嘅夢幻體驗，退房後更可獲得一套黃色與粉色溜冰鞋及衝浪板。豪宅將於7月17日起開放申請，客人需獨自負擔自往馬利布海灘嘅交通費用，名額只有兩個，每個名額最多有兩位客人入住。

《Barbie芭比》美術指導Sarah Greenwood早前曾表示，由於電影場景需要用上大量粉紅色油漆，結果搞到全球粉紅色油漆一度缺貨，引起網絡熱烈討論。油漆供應商Rosco亦證實劇組的確買入大量粉色油漆，不過缺貨原因仲涉及其他因素，例如疫情對供應鏈影響。