Christopher Nolan嘅《Oppenheimer》雖然要到星期四先上映，而且仲遇上荷里活大罷工令宣傳受阻，但仍無阻佢本人接受訪問宣傳套戲。而近日佢接受英國《The Telegraph》訪問時就透露，搵咗自己個大女Flora於電影中飾演一個小角色，而且仲用核彈「炸死」咗佢。

圖片：Insider

據《The Telegraph》報導，去年春天拍攝《Oppenheimer》期間，Christopher Nolan大女Flora曾到片場探訪，而Nolan就忽發奇想地邀請Flora於電影中客串一個小角色：一名於Oppenheimen (Cillian Murphy飾) 幻覺中被核彈強光炸到面部剝落嘅不具名年輕女性。Roland接受訪問時表示：「我哋需要搵一個人去拍攝呢個稍為有啲實驗性而且突然嘅場面，所以搵佢 (Flora) 嚟試下就係最好嘅。」

而當記者質疑佢「炸死」自己個女呢個決定會唔會太奇怪時，Nolan就回應道：「我希望你唔會講到我好似《Peeping Tom》導演Michael Powell咁樣 (Michael Powell於1960年電影《Peeping Tom》中，搵咗自己個九歲仔飾演連環殺手主角嘅童年版，以佢本人就出演虐待佢嘅父親)。但，係嘅，你咁講又唔算錯嘅。」

Nolan接著說道：「我唔想分析自己嘅動機，但如果你要創造一股擁有究極毀滅性嘅能量，佢自然會摧毀埋與你親近嘅人。我估呢個 (搵大女客串) 就係我能夠搵到，最強烈嘅表達手法。」

事實上今時並唔係科華首次參與父親Nolan嘅電影，早於《Interstellar》中Flora就曾經客串一個稍瞬即逝嘅小女孩，甚至亦有參與Nolan上一部電影《Tenet》，不過就隱身幕後擔任美術助理。

資料來源：The Telegraph