最近Elon Musk與以色列總理Benjamin Netanyahu會面，討論人工智能話題時提到，佢正考慮將X（前稱Twitter）變成一個收費訂閱平台，並指出現時X每月平均活躍用戶高達5.5億，認為一旦收費將能夠制止假帳號大軍散播假消息及詐騙。

不過，Elon Musk並未說明具體執行時間及價錢，只係話係一筆小錢，亦冇透露推行收費制後會否增添更多功能。目前X已經有X Premium訂閱服務，收費為每月8美元，訂閱者收到嘅廣告數目將會減少一半、能夠發布最多25,000字元貼文、上傳最長3小時或最大8GB影片，並可獲得藍剔認證及有權加入廣告分潤計劃。如果到時向一般用戶都收費，唔知會唔會引發社交平台移民潮呢？

資料來源：businessinsider