日本萬代旗下潮流品牌「バンコレ！（BANDAI FASHION COLLECTION）」日前宣布，即將推出阿寶·尼爾曾經著過嘅四角內褲，等大家可以從內到外Cosplay地球聯邦最強駕駛員。

今次所推出嘅四角內褲總共有兩款，由100%聚脂纖維製成，一款係《機動戰士高達》阿寶所穿著嘅藍白直間條內褲，並印有阿寶英文名字「AMURO RAY」。而另一款則係阿寶於《機動戰士高達 馬沙之反擊》穿著過嘅淺藍/深藍直間條內褲，褲腳上印有阿寶個人標誌。

目前兩款內褲已於PREMIUM BANDAI開放預購，售價為3,850日元（約$200港幣），預計11月正式發售。