早前我同大家報導過由日本網站Ranking.goo舉行嘅「《少年Jump》最有型男角票選」，結果位列前矛嘅幾乎清一色都各個作品中嘅配角，主角們嘅存在感非常薄弱。或者就係為咗幫一班主角正名，所以Ranking.goo近日又舉行咗個類似票選，不過就只限一眾《Jump》漫畫主角參加，結果來自《JoJo的奇妙冒險》嘅「空条承太郎」，以超過17,000票榮登榜首！

《烏龍派出所》兩津勘吉 (15票)

《咒術迴戰》虎杖悠仁 (16票)

《JoJo的奇妙冒險》祖納森·祖士逹 (喬納森·喬斯達，16票)

《死亡筆記》夜神月 (16票)

《Bleach》黑崎一護 (21票)

《幽遊白書》浦飯幽助 (26票)

《我的英雄學院》綠谷出久 (27票)

《排球少年》日向翔陽 (30票)

《Slam Dunk》櫻木花道 (31票)

《鬼滅之刃》竈門炭治郎 (63票)

喺之前「最有型角色」中能夠上榜嘅主角，於今次「只限主角」嘅排行榜中都有唔錯嘅成績，例如上次排第七嘅《Bleach》黑崎一護今次就排16、上次排第三嘅《城市獵人》冴羽獠 (早期港譯孟波) 今次就排第七，而上次排第4嘅《銀魂》坂田銀時今次就略跌一位排第5，但已經係成功兩次上榜嘅角色中最高名次。

而「只限主角」排行榜嘅第10至20位，就充斥住大家熟悉嘅角色。由第20名數起分別係《烏龍派出所》兩津勘吉 (15票)、《咒術迴戰》虎杖悠仁 (16票)、《JoJo的奇妙冒險》祖納森·祖士逹 (喬納森·喬斯達，16票)、《死亡筆記》夜神月 (16票)、《Bleach》黑崎一護 (21票)、《幽遊白書》浦飯幽助 (26票)、《我的英雄學院》綠谷出久 (27票)、《排球少年》日向翔陽 (30票)、《Slam Dunk》櫻木花道 (31票)，以及《鬼滅之刃》竈門炭治郎 (63票)。

留意一下10至20名，每個角色其實都只得幾十票。

《北斗神拳》拳四郎 (67票)

《網球王子》越前龍馬 (72票)

《龍珠》孫悟空 (102票)

然後就係《城市獵人》冴羽獠 (155票)

《One Piece》莫奇·D·路飛 (157票)

《銀魂》坂田銀時 (261票)

《Naruto》渦卷鳴門 (2,439票)

《驅魔少年》艾連·獲加 (5,440票)

《家庭教師REBORN!》澤田綱吉 (12,170票)

《JoJo的奇妙冒險》空條承太郎 (17,013票)

進入頭十，5至10名嘅票數亦相當接近，包括《北斗神拳》拳四郎 (67票)、《網球王子》越前龍馬 (72票)，去到第8位《龍珠》孫悟空票數終於突破3位數 (102票)、然後就係《城市獵人》冴羽獠 (155票)、《One Piece》莫奇·D·路飛 (157票)以及《銀魂》坂田銀時 (261票)。

點解我要咁強調票數呢？因為去到頭4名嘅得票就突然以幾何級數上升。第四名《Naruto》渦卷鳴門得票2,439，已經係銀時嘅近十倍，第三名《驅魔少年》艾連·獲加再升一倍，去到5,440票，第二名《家庭教師REBORN!》澤田綱吉更有12,170票，但最終仍然不敵坐擁17,013票嘅《JoJo的奇妙冒險》空條承太郎！

資料來源：Ranking.goo