Zack Snyder開創嘅DCEU將於《水行俠2》上映後正式完結...

James Gunn與Peter Safran去年接管DC Studios後，決心要將舊有DC宇宙（DCEU）推倒重來，開創全新DC宇宙（DCU）。據外媒《Variety》報導，Zack Snyder時代嘅六位「正義聯盟」英雄將重新選角，即Batman（Ben Affleck 飾）、Superman（Henry Cavill 飾）、Cyborg（Ray Fisher 飾）、Wonder Woman（Gal Gadot 飾）、The Flash（Ezra Miller 飾）以及Aquaman（Jason Momoa 飾）。不過，Jason Momoa仍然有機會續留新DC宇宙，但就唔會以Aquaman身份回歸，目前正洽談飾演一位全新角色，有望於2025年全新超人電影《Superman：Legacy》登場。

《Superman：Legacy》兩位主演

新DC宇宙第一篇章「眾神與怪獸」（Gods & Monsters）將於2025年展開，由James Gunn自編自導嘅全新超人電影《Superman：Legacy》揭開序幕，劇情將聚焦「Superman」Clark Kent年輕時期，講述佢係星球日報（The Daily Planet）打工嘅經歷，並已選定由David Corenswet及Rachel Brosnahan分別飾演新任Superman及Lois Lane。另外，仲會有一部講述超能人點樣用非常手段維持和平嘅電影《The Authority》、全新蝙蝠俠與羅賓電影《The Brave and the Bold》、Supergirl獨立電影《Supergirl: Woman of Tomorrow》，以及曾經拍成劇集嘅Swamp Thing電影。

《The Authority》

《The Brave and the Bold》

《Supergirl: Woman of Tomorrow》

《Swamp Thing》